बीरगन्ज,२५ मंसिर । बीरगन्ज महानगरपालिका वडा नम्बर ७ का विधार्थीहरुलाइ २ महिने कम्प्युटर तालिम उद्घाटन भएको छ ।
यु.डी.बाइ–सेफ कम्प्युटर एजुकेशन बीरगन्जको आयोजना र बीरगन्ज महानगरपालिका वडा नम्बर ७ कार्यालयको सहयोगमा तालिम उद्घाटन भएको हो ।
तालिम उद्घाटन समारोहका प्रमुख अतिथि वडा अध्यक्ष हिराकाजी महर्जनले आफ्नो वडाका शिक्षित बिधार्थी भाइ बहिनीहरुको क्षमता विकास संगै आर्यआर्जनमा टेवा पुर्याउने उदेश्यले तालिम आयोजना गरेको बताए ।
बर्तमान समयमा कम्प्युटर प्रबिधिको महत्व रहेकोले तालिम सिपबाट व्यपार ब्यबसाय तथा अन्य रोजगार गर्न वडाका बिधार्थीहरुको क्षमता अभिबृद्धिमा समेत मद्दत पुग्ने ऊद्देश्यले तालिमलाइ निरन्तरता दिदै सिक्न र सिकेका सीपलाइ ब्यवहारमा ल्याउन वडा अध्यक्ष महर्जनले आग्रह गर्नु भएको थियो ।
तालिमको उद्घाटन समारोहमा वडा सचिव सतिश श्रीवास्तवम, वडा सदस्य काशी साह तुरहा, दिपेन्द्र साह कानु, सुशिता रायमाझी क्षेत्री, पुनम कुमारी तालिम प्रशिक्षक बंशीधर गुप्ता र अभिजित चौधरी लगायतहरु सहभागी रहेका थिए ।
तालिममा ३० जना विधार्थीहरुको सहभागीता रहेको छ कार्यक्रम अध्यक्ष बंशीधर गुप्ताको अध्यक्षतामा कार्यक्रम उद्घाटन भएको हो ।
