बीरगन्ज,१९ माघ । बीरगन्ज महानगरपालिकाकाे वडा नम्बर ३१मा पर्ने साेलखपुर र भेडियारी नवनिर्मित ढलान सडककाे शुक्रबार उद्घाटन गरिएको छ। पर्सा क्षेत्र नम्बर १ का प्रतिनिधि सभा सदस्य प्रदीप यादव र बीरगन्ज महाागरपालिका मेयर राजेशमान सिंहले संयुक्तरूपमा दुवै सडककाे उद्घाटन गरेका हुन्।
सांसद यादवकै पहलमा तराई मधेस समृद्धि कार्यक्रम अन्तर्गत भेडियारीमा ५० लाख रुपैयाँको लागतमा पाँच सय मिटर ढलान सडक र नाला निर्माण गरिएको हाे।यस्तै साेलखपुरमापनि प्रदेश सरकारकाे सशर्त अनुदान र बीरगन्ज महानगरपालिकाकाे सहयाेगमा ९० लाख रुपैयाँको लागतमा सात सय मिटर ढलान सडककाे निर्माण गरिएको हाे।
ती दुवै सडक खण्डमा विगतमा जहिले हिलो र पानी जम्ने समस्या रहँदै आएको जनगुनासाेपछि पूर्वमन्त्री समेत रहेका यादवकाे पहल र बीरगन्ज महानगरकाे सहयाेगमा ढलान सडक निर्माण गरिएको हाे ।
खासगरी वर्षाको समयमा भेडाहा खोलामा बाढी आउँदा उक्त सडकमा लामो समयसम्म पानी जमेर बाटो हिलाम्मे हुने गरेको थियो।स्थानीयबासीलाई सामान्य हिँडडुल गर्न समेत गाह्रो हुदै आएको थियो ।
सांसद यादवले भेडियारी र साेलखपुरबासीका समस्यालाई सम्बोधन गर्दै आफ्नो पहलबाट सडक ढलान गरिएको बताए । गाउँको वर्षौदेखिको समस्या समाधान हुने भएपछि स्थानीयले हौँसिएर निर्माण कार्यमा सहयोगपनि गरेकाे उनले बताए ।
बीरगन्ज महानगर भएसंगै ग्रामिण भेगलाई मुख्य बाजारसम्म सडक संजाल मार्फत जोडने आफ्नो अभियान निरन्तर रहेको उनले बताए।जसबाट ग्रामीण भेगका वडाका जनता प्रत्यक्ष लभान्वित भईरहेकाे उनले बताए ।
सडक उद्घाटन कार्यक्रममा बीरगन्ज महानगरपालिकाका मेयर राजेशमान सिंहले बीरगन्जलाई बैभव बीरगन्ज बनाउने अभियान र महानगरबासीकाे सेवा नै आफ्नाे पहिलाे प्राथमिकता रहेकाे बताए ।
