आईसीसी पुरुष टी–२० विश्वकप २०२६ अन्तर्गत ग्रुप ‘C’ को पाँचौँ खेलमा नेपालले दुई पटकका विश्व च्याम्पियन इंग्ल्याण्डसँग अत्यन्तै रोमाञ्चक र सम्मानजनक प्रदर्शन गरेको छ। मुम्बईको प्रतिष्ठित वानखेड़े स्टेडियममा भएको खेलमा इंग्ल्याण्डले टस जितेर पहिले ब्याटिङ रोजेको थियो र २० ओभरमा १८४/७ रन को लक्ष्य सेट गर्यो। इंग्ल्याण्डका कप्तान ह्यारी ब्रुक (५३) र ज्याकब बेथेल (५५) ले अर्धशतक खेल्दै टीमलाई मजबुत स्कोरमा पुर्याए भने विल ज्याक्स (३९) ले अन्तिम ओभरमा महत्वपूर्ण रन जोडेर लक्ष्य चुनौतीपूर्ण बनायो।
नेपालका लागि युवा बलर शेर मल्ला ले आफ्नो टी–२० विश्वकप करियरको पहिलो बलमै इंग्ल्याण्डका ओपनर फिल सॉल्टलाई आउट गर्दै इतिहास रचे। नेपाली बलिङ युनिटले इंग्ल्याण्डका शीर्ष ब्याट्सम्यानमाथि दबाब बनाइरहँदा खेल निकै रोमाञ्चक बनेको थियो। जवाफमा नेपालले आक्रमक खेल देखाउँदै १७९/६ रन बनायो। युवा ब्याट्सम्यान लोकेश बम ले छोटो समयमै ३८ रन बनाउँदै खेललाई अन्तिम ओभरसम्म आकर्षक बनाएका थिए भने दीपेन्द्र सिंह ऐरी र रोहित पौडेल ले क्रमागत रूपमा महत्वपूर्ण योगदान गरे।
अन्ततः नेपाल इंग्ल्याण्डसँग ४ रनले पराजित भए पनि यस हारले नेपाली क्रिकेटको स्तर र सम्भावनालाई विश्वस्तरमा पुष्टि गरेको छ। विशेषज्ञ र फ्यानहरूले नेपालले देखाएको साहस र आत्मविश्वासको प्रशंसा गर्दै आगामी खेलहरूमा अझ राम्रो नतिजाको अपेक्षा गरेका छन्।
