काठमाडौं, १० वैशाख । संघीय निजामती सेवा विधेयकमाथि नेकपा माओवादी केन्द्रले तीन बुँदामा असहमति जनाएको छ। प्रतिनिधिसभाको राज्य व्यवस्था तथा सुशासन समितिको बैठकमा माओवादी केन्द्रका प्रमुख सचेतक हितराज पाण्डेले उक्त असहमति सार्वजनिक गरेका हुन्। पाण्डेले पहिलो असहमति कुलिङ पिरियड (नौकरीबाट अवकाश लिएपछि पुनः सेवा प्रवेश गर्न लाग्ने अन्तराल) सम्बन्धी प्रावधानमा जनाएका छन्। हाल विधेयकमा कुलिङ पिरियड एक वर्ष तोकिएको छ, तर उनले यसलाई कम्तीमा दुई वर्ष राख्नुपर्ने बताएका छन्। दोस्रो असहमति अतिरिक्त सचिवको पद सिर्जना सम्बन्धी हो। पाण्डेले सचिव र सहसचिवको संख्यालाई यथावत राख्दै नयाँ पद सिर्जना गर्ने प्रयास अनावश्यक भएको...