काठमाडौं,२४ चैत । नेपाल बार एशोसिएशनको २७औँ केन्द्रीय कार्यसमितिका लागि शनिबार सम्पन्न भएको निर्वाचनको मतगणना भोलि सोमबारदेखि सुरु हुने भएको छ। प्रमुख निर्वाचन अधिकृत वरिष्ठ अधिवक्ता रामकृष्ण निरालाका अनुसार मतपेटिकाहरू आज बेलुकासम्म काठमाडौं आइपुग्ने छन्। बारको नयाँ कार्यसमिति चयनका लागि कुल ९ हजार ९५७ मतदाता रहेकामा ८० प्रतिशत मतदान भएको थियो। २५ सदस्यीय कार्यसमितिका लागि ५७ जनाले उम्मेदवारी दिएका छन्। काठमाडौं उपत्यका र बाहिर गरी ३६ वटा मतदान केन्द्रमा मतदान भएको थियो। नयाँ नेतृत्वका लागि अध्यक्ष पदमा बृहत लोकतान्त्रिक, प्रगतिशली, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्राडा विजयप्रसाद...