पर्सा,०७ फागुन । पर्सागढी नगरपालिका वडा नम्बर–५ हर्दियामा विभिन्न राजनीतिक दल परित्याग गर्दै ६० भन्दा बढी स्थानीय नेता, कार्यकर्ता, युवा, बुद्धिजीवी तथा जेष्ठ नागरिक राष्ट्रिय स्वतन्त्र पार्टी (रास्वपा) मा प्रवेश गरेका छन्। सामूहिक रूपमा भएको यो प्रवेशलाई स्थानीय स्तरमा परिवर्तनप्रतिको संकेतका रूपमा हेरिएको छ। नवप्रवेशीहरूलाई पर्सा निर्वाचन क्षेत्र नम्बर–२ का प्रतिनिधिसभा सदस्य उम्मेदवार सुशील कुमार कानुले फूलमाला र गम्छा लगाएर पार्टीमा स्वागत गरेका थिए। कार्यक्रममा बोल्दै नवप्रवेशीहरूले पुराना राजनीतिक दलप्रति असन्तुष्टि व्यक्त गर्दै सुशासन, पारदर्शिता र भ्रष्टाचारमुक्त समाज निर्माणका लागि रास्वपा नै उपयुक्त विकल्प भएको विश्वास व्यक्त गरे। नवप्रवेशी विकास यादवले...