मोरंग, १४ जेठ — नेकपाका अध्यक्ष एवं पूर्वप्रधानमन्त्री पुष्पकमल दाहाल प्रचण्डले बम आतंक फैलाएर मात्रै राजनीतिक उद्देश्य प्राप्त नहुने बताउनुभएको छ ।
- Advertisement -
सोमबार विराटनगर विमानस्थलमा सञ्चारकर्मीसँग कुरा गर्दै उहाँले एक दुईवटा बम विष्फोट हुँदैमा राजनीतिक स्थिरता छैन भनेर सोच्न नहुने उल्लेख गर्नुभयो ।
सरकारले प्रतिवन्ध लगाएको नेक्रवित्रम चन्द समूहको गतिविधि अब धेरै नटिक्ने संकेत अध्यक्ष प्रचण्डले गर्नुभयो ।
अहिलोको राष्ट्रिय र अन्तर्रा्ष्ट्रिय परिस्थिति, जनताको चाहना, भावना, राष्ट्रको आवश्यकता बम पड्काउने नभएको उल्लेख गर्दै उहाँले सबै मिलेर विकास निर्माण र समृद्धि तिर समाजवादको नयाँ ढंगले तयारी गर्न लाग्नुपर्नेमा जोड दिनुभयो ।
वार्तामा आउने भनेपछि प्रतिवन्ध ठूलो समस्या नभएको भन्दै उहाँले वार्ताको पहल भइरहेको बताउनुभयो ।
