बीरगन्ज,११ असार – न्यायिक वाह्य पहुच सम्बन्धि प्रशिक्षण कार्यक्रम पर्सा जिल्ला अदालतकाे आयोजनामा सम्पन्न भएको छ । कार्यक्रममा बीरगन्ज कलेजका कानुन संकायमा अध्यनरत ५० जना छात्र–छात्राहरुको सहभागिता रहेको थियो । कार्यक्रम कलेजको सभाहलमा सम्पन्न भएको थियो ।
कार्यक्रममा सहभागि बिद्यार्थीहरुलाई पर्सा जिल्ला अदालतका प्रमुख जिल्ला न्यायाधीश धर्मराज पौडेल र जिल्ला न्यायाधीश नारायण प्रसाद शर्मा, श्रेस्तेदार श्री अरुण कुमार कोइराला, शाखा अधिकृत सूर्य बहादुर राना लगायतकाले प्रशिक्षण दिनु भएको थियो ।
कार्यक्रममा बीरगन्ज कलेजका अध्यक्ष अर्थबिद् डा. दिपेन्द्र कुमार चौधरी, प्रशासन प्रमुख सुरेश प्रसाद चौधरी, कानुन संकाय संयोजक अधिवक्ता रामनाथ महतो, शिक्षकद्वय धन बहादुर थापा, अजय स्वर्णकार, पत्रकार नेहाल खान, सुर्य नारायण बिक लगायतको पनि उपस्थिती रहेको थियो ।