काठमाडाैं,२० माघ । चितवनमा पछिल्लो २४ घण्टामा स्क्रब टाइफस र डेंगुका चार जना बिरामी फेला परेका छन्। जनस्वास्थ्य कार्यालय चितवनका अनुसार स्क्रब टाइफसका दुई र डेंगुका दुई जना संक्रमित पुष्टि भएका हुन्।
दुवै रोगका संक्रमित रत्ननगर नगरपालिकामा भेटिएका छन्। यससँगै चालु अवधिमा चितवनमा स्क्रब टाइफसका संक्रमित संख्या ५४९ र डेंगुका २१८ पुगेको जनस्वास्थ्य कार्यालयले जनाएको छ।
स्वास्थ्य कार्यालयले लामखुट्टे तथा किरा नियन्त्रण, व्यक्तिगत सरसफाइ र समयमै उपचारमा ध्यान दिन सर्वसाधारणलाई आग्रह गरेको छ।
