सर्लाही,०४ असार । सर्लाही प्रहरीले साढे ४२ लाख रुपैयाँ बराबरको भन्सार छली गरिएका विभिन्न सामानसहित एक ट्रक नियन्त्रणमा लिएको छ । बुधबार बिहान विशेष सूचनाको आधारमा इलाका प्रहरी कार्यालय करमैयाबाट खटिएको टोलीले वीरगन्जबाट इटहरीतर्फ जाँदै गरेको बा ५ ख ३६० नम्बरको ट्रक जाँच गर्दा उक्त परिमाणको भन्सार छलीका सामान फेला परेको हो । सर्लाही प्रहरीका निमित्त प्रवक्ता बालिष्टर सिंहका अनुसार ट्रकमा लोड गरिएका सामानहरूको प्रमाणित कागजात नदेखिएको र चालकले प्रस्तुत गरेका कागजातहरू शंकास्पद पाएपछि ट्रक नियन्त्रणमा लिइएको हो। प्रहरीले अनुसन्धानका क्रममा उक्त ट्रकमा टायर, मोबिल, आँपमा छर्ने औषधी, इलेक्ट्रोनिक सामान,...