वीरगन्ज,१७ चैत । काठमाडौँको तीनकुनेमा शुक्रवार भएको हिंसात्मक राजावादी प्रदर्शनका मुख्य योजनाकार मानिएका दुर्गा प्रसाईँ फरार भएपछि प्रहरीले उनको खोजी तीव्र पारेको छ । प्रहरीले प्रसाईँ वीरगन्ज-रक्सौल नाका हुँदै भारत भाग्न सक्ने अनुमानका साथ पर्सा जिल्लाको सीमावर्ती क्षेत्रमा सुरक्षा व्यवस्था कडा पारेको छ । शुक्रवार काठमाडौँको तीनकुनेमा राजसंस्था पुनर्स्थापनाको माग राख्दै भएको हिंसात्मक प्रदर्शनका क्रममा प्रसाईँले भीडलाई उत्तेजित बनाउन आफैँ गाडी हाँकेर प्रहरीको सुरक्षा घेरा तोड्न खोजेका थिए । निषेधित क्षेत्रमा आन्दोलनकारीलाई उतार्ने र प्रहरीमाथि गाडी कुदाउन खोज्ने हरकत गरेपछि स्थिति अनियन्त्रित बनेको थियो । आगजनी र तोडफोडको घटनापछि प्रसाईँ कार्यक्रम...