वीरगन्ज,०१ चैत । पर्सा–२ बाट नेपाली कम्युनिस्ट पार्टी (नेकपा) का नेता तथा प्रतिनिधिसभा सदस्यका उम्मेदवार बनेका मनोज चौधरीलाई फसाउने प्रयास भएको जनस्तरबाट आवाज उठ्न थालेको छ। निर्वाचनअघि उनी सवार गाडीबाट शंकास्पद वस्तु फेला परेको आरोपमा पक्राउ परेका चौधरी १३ दिनदेखि जिल्ला प्रहरी कार्यालय पर्साको हिरासतमा रहेका छन्। गत फागुन २१ गते सम्पन्न प्रतिनिधिसभा निर्वाचनको दुई दिनअघि उनी सवार गाडीबाट शंकास्पद वस्तु फेला परेको भन्दै प्रहरीले अनुसन्धानका लागि नियन्त्रणमा लिएको थियो । तर लामो समयसम्म पनि अनुसन्धानकै नाममा हिरासतमा राखिएको भन्दै विभिन्न व्यक्तिहरूले निष्पक्ष छानबिनको माग गरेका छन् । यता अनुसन्धानको...