काठमाडौं, २२ वैशाख — अहिले नेपालमा विभिन्न ट्यालेन्ट शोहरु भित्रिरहेका छन् । प्रतिभा प्रस्फुटित गर्ने स्थान नपाएकाहरुले अहिले स्टेज पाइरहेका छन् ।
गायन, नृत्यलगायतका विभिन्न ट्यालेन्ट सोको संख्या बढिरहेका बेला यस्तै अर्को सो पनि थपिएको छ । ‘नेपाल हिरो अफ ट्यालेन्ट’ नाम दिइएको उक्त ट्यालेन्ट शोमा गाउने, नाच्ने , जादु देखाउने, बिट बक्सिङ, मुखले बाजा बजाउने लाई पनि स्थान दिइनेछ । २०७५ चैत २५ गते झापाको बिर्तामोडबाट सुरु भएको यसको अडिसन अहिले पश्चिम नेपालका शहरहरुमा भइरहेको छ ।
अडिसन जेठको २६ गते घोराहीमा हुनेछ । पोखरामा वैशाख २८ र २९ गते हुँदैछ भने काठमाडौंमा जेठको ५, ६ र ७ गते अडिसन हुँदैछ ।
अडिसन राउन्डमा राम्रो प्रतिभा देखाउनेलाई जज राउन्डमा ल्याइने मार्के्टिङ डाइरेक्टर समीर लामा तामाङले बताए । उत्कृष्ट २० प्रतिभा छनोट भएपछि भने दर्शकले गरेको भोटका आधारमा उनीहरु अघि बढ्नेछन् ।
जुनसुकै उमेरका महिला, परुष जोसुकैले सहभागी हुन पाउने यो ट्यानेन्ट शोको विजेताले ७० लाख, दोस्रो हुनेले २० लाख र तेस्रोले १० लाख पाउनेछन् । उत्कृष्ट १० जनाले विश्व भ्रमण र आफूले चाहेजति गीत रेकर्ड गराउन सक्नेछन् ।
यो ट्यालेन्ट सो को निर्णायकमा गायक आनन्द कार्की, संगीतकार ओमप्रकाश राई, नायिका तथा नृत्याङ्गना एलिना बास्कोटा रहेका छन् । यो ट्यालेन्ट सो जेठ ६ गतेदेखि हिमालय टेलिभिजनमा हरेक शुक्रबार बेलुका ९ बजेदेखि १० बजेसम्म प्रशारण हुनेछ ।
