बीरगन्ज, १३ फागुन- प्याब्सन जुनियर नकआउट फुटबल टुर्नामेन्टको उपाधिको लागि आईतबार मुनलाईट मावि र लिटिल फ्लावर स्कूल आमनेसामने हुने भएका छन् ।
- Advertisement -
सेमिफाइनलमा साउथ जोनलाई पराजित गर्दै लिटिल फ्लावर र सफल एकडेमीलाई पराजित गर्दै मुनलाईट फाईनल प्रवेश गरेपछि उपाधि भिडन्त पक्का भएको हो । फाईनल खेल आईतबार बिहान ९ः३० बजेदेखि शुरु हुने प्रतियोगिताका संयोजक मिनिल्याण्ड मावि सुरजबाबु पटेलले जानकारी दिए । समापन समारोहमा प्याब्सनका मधेश प्रदेश अध्यक्ष दिपक रेग्मीको मुख्य उपस्थिति रहने उनले बताए ।
प्याब्सन बीरगन्जको आयोजनामा गत फागुन ७ गते शुरु भएको सो प्रतियोगितामा प्याब्सन आबद्ध २५ विद्यालयहरुको सहभागिता रहेको प्याब्सन बीरगन्जका अध्यक्ष आलोक चौरसियाले जानकारी दिए ।
