जनकपुर,०३ जेठ । महोत्तरीको जङ्गलमा भरुवा बन्दुकसहित सिकार गर्न गएका तीनजना पक्राउ परेका छन्।
पक्राउ पर्नेमा सर्लाहीको ईश्वरपुर नगरपालिका १२ बस्ने ३५ वर्षीय लालबहादुर भोलन, ३० वर्षीय प्रेमबहादुर भोलन र ३८ वर्षीय अमिर स्याङ्तान रहेको जिल्ला प्रहरी कार्यालय महोत्तरीले जनाएको छ।
मंगलबार साँझ महोत्तरीको बर्दिबास नगरपालिका ११ स्थित पूर्व-पश्चिम राजमार्ग सडक खण्डबाट ३ किमी उत्तरतर्फ पर्ने वनपथ राष्ट्रिय वन क्षेत्रभित्र भरुवा बन्दुक लिएर जनावरको सिकार गरीरहेको सूचनाको आधारमा उनीहरुलाई नियन्त्रणमा लिएको प्रहरी प्रवक्ता प्रहरी नायव उपरीक्षक दिलीपकुमार गिरीले बताए।
प्रवक्ता गिरीका अनुासर सूचना प्राप्त भएपछि इलाका प्रहरी कार्यालय बर्दिबास र प्रहरी चौकी खयरमाराबाट खटेको प्रहरीको गस्ती टोलीले उनीहरूलाई नियन्त्रणमा लिएको हो।
यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।
