काठमाडौं,१३ असोज – प्रधानमन्त्री प्रचण्ड चीन भ्रमण सकेर आज स्वदेश प्रस्थान गरेका छन् । एक साताको औपचारिक भ्रमणका लागि असोज ६ गते चीन पुगेका प्रचण्ड छेन्दुबाट शनिबार बिहान नेपाल प्रस्थान गरेका हुन् ।
- Advertisement -
उनलाई सिचुवान प्रान्तका भाइस गभर्नर, नेपालका लागि चिनियाँ राजदूतलगायतले बिदाइ गरेका थिए । प्रधानमन्त्रस् प्रचण्डले चीन भ्रमणको पहिलो दिन असोज ६ गते हान्झाउमा चिनियाँ राष्ट्रपति सी जिनफिङसँग भेटवार्ता गरेका थिए । उनले भोलिपल्ट समकक्षी ली छ्याङसँग भेटवार्ता गरेका थिए ।
द्विपक्षीय भेटवार्तापछि विभिन्न सहमति र सम्झौतामा हस्ताक्षर भएको थियो । त्यसपछि भने प्रचण्ड चीनका विभिन्न ठाउँमा घुमेर आज स्वदेशका लागि उडेका हुन् ।
