काठमाडौं,७ वैशाख । भारतमा जारी इन्डियन प्रिमियर लिग (आईपीएल) क्रिकेट अन्तर्गत आज आइतबार दुई रोमाञ्चक खेलहरू हुँदैछन्। पहिलो खेल दिउँसो मुल्लानपुर, चण्डीगढस्थित क्रिकेट रंगशालामा पञ्जाब किङ्स र रोयल च्यालेन्जर्स बेंगलुरुबीच हुनेछ। खेल नेपाली समयअनुसार पौने ४ बजे सुरु हुनेछ। यी दुई टोली तीन दिनअघि शुक्रबार मात्रै बेंगलुरुको मैदानमा आमनेसामने भएका थिए, जहाँ पञ्जाबले रोचक खेलमा ५ विकेटको जित हात पारेको थियो। अहिले अंक तालिकामा पञ्जाब ७ खेलमा १० अंकसहित तेस्रो स्थानमा रहेको छ भने बेंगलुरुले समान खेलमा ८ अंक जोड्दै पाँचौं स्थान ओगटेको छ। आजको खेल पञ्जाबका लागि शीर्ष स्थानमा उक्लने...