काठमाडौं,१७ माघ । भारतको रोग नियन्त्रण केन्द्र (एनसिडिसी)ले गत डिसेम्बरयता पश्चिम बंगालमा दुईजनामा मात्र निपाह भाइरसको संक्रमण पुष्टि भएको जनाएको छ। संक्रमण भएकामध्ये दुबै स्वास्थ्यकर्मी रहेको एनसिडिसीले जानकारी दिएको छ। एनसिडिसीका अनुसार, संक्रमित व्यक्तिहरूसँग सम्पर्कमा रहेका १९६ जनाको परीक्षण गर्दा सबैको नतिजा नेगेटिभ आएको छ। संस्थाले केही सञ्चारमाध्यममा भाइरसको फैलावटका बारेमा गलत वा अनुमानजनक रिपोर्टहरू फैलिरहेको बताउँदै तथ्याङ्क स्पष्ट पारेको छ। एनसिडिसीको विज्ञप्तिमा भनिएको छ, “राष्ट्रिय रोग नियन्त्रण केन्द्र (एनसीडीसी) बाट प्राप्त प्रतिवेदनअनुसार, गत डिसेम्बरदेखि हालसम्म पश्चिम बंगालबाट निपाह भाइरस रोगका केवल दुई पुष्टि भएका केसहरू मात्रै सूचित भएका छन्।” यी दुई...