काठमाडौं, २२ चैत्र । अमेरिकी राष्ट्रपति डोनाल्ड ट्रम्पद्वारा चीनमाथि लगाइएको ३४ प्रतिशत भन्सार करको प्रतिवाद गर्दै चीनले पनि सोही अनुपातमा भन्सार कर लगाउने घोषणा गरेको छ। न्युयोर्क टाइम्सका अनुसार, चीनको अर्थ मन्त्रालयले शुक्रबार सार्वजनिक गरेको निर्णयअनुसार ११ अमेरिकी कम्पनीहरूलाई ‘अविश्वसनीय संस्था’ को सूचीमा राखिएको छ। अब ती कम्पनीहरूले चीनभित्र व्यापार गर्न तथा चिनियाँ कम्पनीहरूसँग कारोवार गर्न पाउने छैनन्। चीनले अमेरिकालाई निर्यात गरिने दुर्लभ खनिजहरूमा समेत कडा प्रतिबन्ध लगाउने घोषणा गरेको छ। यी खनिजहरू इलेक्ट्रिक कार, स्मार्ट बम तथा विभिन्न अत्याधुनिक प्रविधिहरूमा प्रयोग हुने गर्छन्, जसको उत्पादन लगभग पूणरुपमा चीनमै...