बीरगन्ज,१४ माघ । बीरगन्ज महानगरपालिका–स्थित मितेरीपुल क्षेत्रमा नवनिर्मित सीमा सुरक्षा पोष्टको भव्य समुद्घाटन सम्पन्न भएको छ। यो पोष्ट बीरगन्ज महानगरपालिकाको सहयोग, ग्रिन सिटी सामुदायिक सेवा केन्द्र र सशस्त्र प्रहरी बल नेपाल नं.–१३ गण, हे.क्वा.को सहकार्यमा सञ्चालन भइरहेको “मितेरीपुल सीमा सौन्दर्यकरण कार्यक्रम” अन्तर्गत निर्माण गरिएको हो। समुद्घाटन कार्यक्रम नगर प्रमुख मेयर राजेशमान सिंहको प्रमुख आतिथ्यमा सम्पन्न भएको थियो। कार्यक्रममा सशस्त्र प्रहरी बल नेपाल नं.–१३ गणका प्रमुख एसपी पुरण चन्द भट्ट विशिष्ट अतिथिका रूपमा उपस्थित थिए। त्यसैगरी विशेष अतिथिहरूमा जिल्ला प्रशासन कार्यालय पर्साका प्रमुख जिल्ला अधिकारी भोला प्रसाद दहाल, जिल्ला प्रहरी कार्यालय पर्साका...