वीरगन्ज,१५ चैत । हिन्दु धर्मावलम्बीहरूको महान् पर्व राम नवमीको अवसरमा भगवान् श्रीरामको सम्मानमा वीरगन्ज महानगरपालिकाले विभिन्न कार्यक्रमहरू आयोजना गर्ने भएको छ । विशेष गरी, वीरगन्ज महानगर क्षेत्रभित्रका विभिन्न स्थानबाट निकालिने रथयात्राहरूको संयोजन गरी एक भव्य रथयात्रा निकाल्ने तयारी गरिएको छ । रथयात्रा वीरगञ्ज महानगरपालिका - १० घडिअर्वा पोखरी नजिक रहेको श्री रामजानकी मन्दिरबाट सुरु हुने जानकारी महानगरपालिकाले जनाएको छ । राम नवमीको दिन बिहान ७ बजेबाट सुरु हुने रथयात्रामा सहभागी हुन सम्पूर्ण श्रद्धालु भक्तजनहरू, स्थानीयवासी तथा सम्बन्धित सबैलाई राम जानकी मन्दिर परिसरमा भेला हुन महानगरका प्रमुख राजेशमान सिंहले अनुरोध गरेका छन्...