काठमाडौं,१३ असार । प्रतिनिधिसभाको शिक्षा, स्वास्थ्य तथा सूचना प्रविधि समितिले ’विद्यालय शिक्षासम्बन्धी कानुन संशोधन र एकीकरण गर्न बनेको विधेयक २०८०’ भोलि (असार १४) सम्ममा पारित गर्ने तयारी गरेको छ। आज बसेको समिति बैठकमा निजी लगानीमा सञ्चालित विद्यालय र बालविकास शिक्षा (भ्ऋम्) सम्बन्धी लामो समयदेखिको विवादमा सहमति जुटेको छ। समितिले निजी लगानीका विद्यालय खोल्न पाउने तर ती विद्यालय सेवामूलक, लोककल्याणकारी र क्रमशः गैरनाफामूलक रूपमा सञ्चालन हुने गरी विधेयकमा व्यवस्था गर्ने सहमति गरेको छ। समितिका सभापति अमरबहादुर थापाले राखेको निजी लगानीका विद्यालयहरूलाई शैक्षिक गुठी अन्तर्गत सञ्चालन गर्न प्रोत्साहन स्वरूप छुट दिने प्रस्ताव...