बीरगन्ज । पर्साको ग्रामीण भेगलाई सदरमुकाम बीरगन्जसँग जोड्ने तिलावे पुल निर्माणार्थ विगत १ हप्तादेखि स्थानिय युवाहरु संघर्षरत थिए । निर्माणको ठेक्का पाएको पप्पु/लुम्बिनी जेभि(जाेइन्ट भेन्चर)ले ६ वर्षमा पनि पुल निर्माण नगर्दा स्थानिय युवाहरुले दबाब समूह नै बनाएर विरोध गरिरहेका थिए । जस्का करण पुलकाे निर्माण कार्य मंगलबारदेखि सुचारु हुने भएकाे छ । सोमबार जिल्ला प्रशासन कार्यालय पर्सामा बसेको ठेकेदारसहितको सर्वपक्षिय बैठकले अलपत्र छाडिएको तिलावे पुलको निर्माण कार्य मंगलवार बिहानैदेखि सुचारु गर्ने सहमति भएकाे हाे । बैठकमा पुलको निर्माण चैत मसान्तभित्र सक्ने सहमति भएको पर्साका सहायक प्रमुख जिल्ला अधिकारी भीमकान्त पौडेलले जानकारी...