काठमाडौं,२१ असार । त्रिभुवन विश्वविद्यालय (त्रिवि) को भोलिका लागि तय गरिएको सिनेट बैठक आकस्मिक रूपमा स्थगित गरिएको छ। आइतबार (असार २२) बस्ने भनिएको उक्त बैठक प्रधानमन्त्री केपी शर्मा ओलीको हुम्ला भ्रमणका कारण स्थगित गरिएको हो। त्रिवि स्रोतका अनुसार, प्रधानमन्त्री ओलीले विश्वविद्यालयका कुलपतिका रूपमा बैठकको अध्यक्षता गर्ने तय थियो। तर, प्रधानमन्त्रीको कार्यव्यस्तता र हुम्ला जाने पूर्वनिर्धारित तालिकाका कारण बैठक स्थगन गरिएको छ। बैठक कहिले सम्मिलित गरिने भन्ने विषयमा हालसम्म नयाँ मिति तय गरिएको छैन।