काठमाडौँ,०८ फागुन । सर्वोच्च अदालत ले मेडिकल व्यवसायी दुर्गा प्रसाईं लाई अदालतमा उपस्थित गराउन आदेश दिएको छ। प्रसाईंको परिवारले दायर गरेको बन्दीप्रत्यक्षीकरण रिटमाथि सुनुवाइ गर्दै न्यायाधीश श्रीकान्त पौडेल को एकल इजलासले उनलाई अदालतसमक्ष उपस्थित गराउन र पक्राउ गर्नुको कारण स्पष्ट रूपमा पेश गर्न सम्बन्धित निकायलाई निर्देशन दिएको हो। प्रहरीले भने प्रसाईंलाई सार्वजनिक शान्ति बिथोल्ने प्रयास गरेको आरोपमा पक्राउ गरिएको जनाएको छ। सर्वोच्च अदालतको आदेशसँगै अब सम्बन्धित निकायले पक्राउको आधार र कानुनी प्रक्रिया अदालतमा स्पष्ट पार्नुपर्ने भएको छ।