बैंकक,२४ पुस । हात्तीले पर्यटकलाई मारेको घटनामा थाइल्यान्ड प्रहरीले माहुतेमाथि मुद्दा लगाएको छ । गएको हप्ता थाइल्यान्डमा हात्ती नुहाइरहेको समयमा एक जना स्पेनी पर्यटकको मृत्यु भएको थियो । ३८ वर्षका माहुते थिरयुत इन्थाफुड्किजमाथि लापरबाहीका कारण व्यक्तिको ज्यान गएको भन्दै मुद्दा चलाइएको हो । नुहाइदिइरहेको समयमा हात्तीले हुत्त्याएपछि २२ वर्षकी ब्लाङ्का ओजान्गुरेन ग्रसियाको टाउकोमा चोट लागेको थियो । अस्पतालमा उपचारको क्रममा ग्रसियाको निधन भएको थियो । पछिल्लो समय थाइल्यान्डमा हात्ती पर्यटन उद्योग फस्टाइरहेको छ । ग्रसियाको निधनले यो उद्योगप्रति चिन्ता बल्झाएको छ । लामो समयदेखि पशु अधिकारकर्मी समूहहरूले...