काठमाडौं, १७ चैत्र । नेपाल विद्युत् प्राधिकरणको कार्यकारी निर्देशक नियुक्ति विवादमा सर्वोच्च अदालतमा दायर गरिएको रिटको पेशी आइतबार हेर्न नमिल्नेमा राखिएको छ। निवर्तमान कार्यकारी निर्देशक कुलमान घिसिङ र नवनियुक्त कार्यकारी निर्देशक हितेन्द्रदेव शाक्यले सर्वोच्च अदालतमा रिट दायर गरेका थिए। यी दुवै रिटको सुनुवाइ सर्वोच्च अदालतको प्रधानन्यायाधीश प्रकाशमानसिंह राउत र न्यायाधीश शारङ्गा सुवेदीको इजलासमा आइतबारका लागि तोकिएको थियो, तर पेशी सोमबारका लागि तोकिएको छ। घिसिङले सरकारको निर्णयलाई चुनौती दिँदै रिट हालेका थिए भने शाक्यले आफूलाई पदमा निरन्तर कायम राख्नुपर्ने र घिसिङलाई जिम्मेवारी नदिनुपर्ने माग गरेका थिए।