काठमाडौं, १८ चैत्र । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले जनताले चाहेको खण्डमा गणतन्त्र उल्टिनसक्ने चेतावनी दिएका छन्। सोमबार प्रतिनिधिसभाको बैठकमा बोल्दै उनले युवाहरूको शक्तिलाई सम्मान गर्नुपर्ने र सरकारको व्यवहार सुधार गर्न आग्रह गरे। अध्यक्ष लिङ्देनले भने, "तपाईंले जबसम्म व्यवहार सुधार नगरेसम्म गणतन्त्रको विरोध मात्र होइन, उल्ट्याउँछन् नै। यदि जनताले चाह्यो भने यो गणतन्त्र जान्छ। युवाको शक्तिलाई नहोच्याउनुस्।" साथै, उनले १५ चैतको तीनकुने प्रदर्शनमा आन्दोलनकारी र सरकार दुवैले ज्यादती गरेको टिप्पणी गरे। "अस्ति १५ गते आन्दोलनकारीले मात्रै ज्यादती गरेको हो? त्यसको नियन्त्रण गर्ने जिम्मा सरकारको होइन?" उनले भने। राप्रपा अध्यक्ष...