बीरगन्ज,३० फागुन । औषधि व्यवस्था विभागको पर्सास्थित बीरगन्ज शाखा कार्यालयले चालु आर्थिक वर्षमा ४१ वटा औषधि पसलको प्रमाणपत्र निलम्बन गरेको छ। नियमित अनुगमनका क्रममा विभिन्न अनियमितता तथा कैफियत भेटिएपछि ती पसलमाथि कारबाहीस्वरूप प्रमाणपत्र निलम्बन गरिएको हो। शाखा प्रमुख शम्भु साहका अनुसार चालु आर्थिक वर्षमा कार्यालयबाट खटिएको अनुगमन टोलीले हालसम्म २८० वटा औषधि पसलको निरीक्षण गरिसकेको छ। यस वर्ष कुल ४६० औषधि पसल अनुगमन गर्ने लक्ष्य राखिएकोमा हालसम्म ६० दशमलव ८ प्रतिशत प्रगति हासिल भएको उनले जानकारी दिए। अनुगमनका क्रममा दर्ता नगरी सञ्चालनमा रहेका केही औषधि पसल पनि भेटिएका थिए। तीमध्ये ३२...