काठमाडौं,१५ चैत । गणतन्त्रको पक्षमा वकालत गर्दै समाजवादी मोर्चामा आबद्ध चार दलले आज काठमाडौंमा व्यापक प्रदर्शन गरेका छन्। नेकपा माओवादी केन्द्र, नेकपा एकीकृत समाजवादी, नेकपा र नेपाल समाजवादी पार्टीले संयुक्त रुपमा काठमाडौंका विभिन्न स्थानबाट जुलुस निकालेका हुन्। दिउँसो १२ बजेदेखि सुरु भएको जुलुसहरू कुपण्डोल, बबरमहल, त्रिपुरेश्वर, सोह्रखुट्टे, डिल्लीबजार, मैतीदेवी, सुन्धारा र न्युरोड गेटबाट निस्किएका थिए। फरक–फरक स्थानबाट आएका यी जुलुसहरू प्रदर्शनीमार्गमा पुगेर विशाल सभामा परिणत भएका छन्। सभालाई नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधव नेपाल, नेत्रविक्रम चन्द विप्लव नेतृत्वको नेकपाका महासचिव विप्लव र नेपाल समाजवादी...