काठमाडौं,२९ माघ । टिकटकले नेपालमा आगामी आम निर्वाचनलाई लक्षित गर्दै ‘इन–एप इलेक्सन सेन्टर’ सुरु गरेको घोषणा गरेको छ। प्रयोगकर्तालाई निर्वाचनसम्बन्धी सही, आधिकारिक र भरपर्दो जानकारी सहज रूपमा उपलब्ध गराउने उद्देश्यले यो सुविधा सञ्चालनमा ल्याइएको हो। कम्पनीका अनुसार सन् २०२० देखि विश्वका विभिन्न देशमा भएका २०० भन्दा बढी निर्वाचनमा लागू गरिएको निर्वाचन निष्पक्षता र डिजिटल नैतिकतासम्बन्धी पहलको निरन्तरताका रूपमा नेपालमा पनि यो सेवा सुरु गरिएको हो। यसका लागि टिकटक र निर्वाचन आयोग, नेपालबीच निर्वाचनको निष्पक्षता प्रवर्द्धन र जिम्मेवार डिजिटल सहभागिता सुदृढ गर्ने विषयमा समझदारीपत्रमा हस्ताक्षर भएको छ। आयोग परिसरमा आयोजित क्षमता...