काठमाडौं,०४ असार । ललितपुरको जावलाखेलस्थित सदर चिडियाखानामा दुईपटक चोरीको प्रयास भएको एउटा दुर्लभ रेडपाण्डाको मृत्यु भएको छ। शनिबार चिडियाखानाभित्रै उपचारका क्रममा रेडपाण्डाको मृत्यु भएको हो। चिडियाखानाका प्रमुख सत्यनारायण शाहका अनुसार, चोरी प्रयासपछि रेडपाण्डा त्रसित बनेको र पछिल्लो समय मिर्गौलासम्बन्धी समस्याले ग्रस्त थियो। राष्ट्रिय प्रकृति संरक्षण कोषले कर्मचारीको लापरबाहीको आशंकामा आन्तरिक छानबिन गरिरहेका बेला यसको मृत्यु भएको हो। यो रेडपाण्डालाई २०७२ सालमा रोल्पाबाट अवैध रूपमा घरमा पालेको अवस्थामा उद्धार गरी चिडियाखानामा ल्याइएको थियो। गत वैशाख ३० गते राति यसलाई चोरी गर्ने प्रयास भएको थियो। प्रहरीले सीसीटीभी फुटेजको आधारमा भारतीय नागरिक मोहमद तफिक...