काठमाडौं । जुन १४ मा आफ्नै निवासमा मृत अवस्थामा फेला परेका बलिउड कलाकार सुशान्तसिंह राजपूत मुद्दामा यतिबेला सीबीआई, ईडी र एनसीबीले छानविन गरिरहेको छ । सुशान्तको मुद्दामा उनकै प्रेमिका रिया चक्रवर्तीलाई पनि अभियुक्त बनाइएको छ । सुशान्तका पिताले रियासहित ६ जनाविरुद्ध पटनामा उजुरी दिएपछि छानविन फरक कोणबाट भइरहेको छ । सीबीआईसहित तीनवटा निकायले छानबिनको जिम्मेवारी लिएका छन् । शुसान्त मृत्यु प्रकरणका बारेमा धेरै कलाकार मौन छन् । तर यो साता अभिनेत्री विद्या बालनले आफ्नो प्रतिक्रिया सार्वजनिक गरेकी छन् । विद्याले रियाको पक्षमा आफ्नो धारणा राखेको भारतीय मिडियाहरुले जनाएका छन् । आरोप लागेकै भरमा...