बीरगन्ज,२७ माघ । जनता समाजवादी पार्टी (जसपा) नेपालबाट निर्वाचित बीरगन्ज महानगरपालिका–३२ का वडाध्यक्ष रियाज अहम्द ठकुराईसहित सयौँ नेता तथा कार्यकर्ता नेकपा (एमाले)मा प्रवेश गरेका छन्। ठकुराईसँगै युवा नेता महम्द अली तथा वडा सदस्यहरू लगायत विभिन्न राजनीतिक दलका नेता–कार्यकर्ताहरू एमालेमा प्रवेश गरेको जनाइएको छ।
नवप्रवेशीहरूलाई स्वागत गर्दै एमाले नेताहरूले देश विकास, सुशासन र समृद्ध नेपालको लक्ष्य हासिल गर्न सबैको साझा प्रयास आवश्यक रहेको बताएका छन्। उनीहरूले प्रतिबद्ध र सक्रिय नागरिकहरूको सहभागिताले पार्टीको संगठन र अभियान अझ सुदृढ हुने विश्वास व्यक्त गरेका छन्।
एमालेमा प्रवेश गर्ने नेता–कार्यकर्ताले जनताको अपेक्षा अनुसार काम गर्दै राष्ट्र निर्माणको यात्रामा अघि बढ्ने प्रतिबद्धता व्यक्त गरेको बताइएको छ।
