बीरगन्ज,१३ फागुन । आगामी फागुन २१ गते हुने प्रतिनिधिसभा सदस्य निर्वाचनका लागि नेपालभरका ७५ जिल्लामा निर्वाचन सामग्रीसहित मतपत्र वितरण सम्पन्न भएको छ। निर्वाचन आयोग का अनुसार काठमाडौं र भक्तपुर बाहेक सबै जिल्लामा मतपत्र र अन्य आवश्यक सामग्री पुर्याइएको छ।
आयोगका सहायक प्रवक्ता कुलबहादुर जिसी ले जानकारी दिँदै भने, “‘पहिलो हुने निर्वाचित हुने’ र ‘समानुपातिक निर्वाचन प्रणाली’ अन्तर्गतका मतपत्र ७५ जिल्लामा वितरण सम्पन्न भएको छ।”
काठमाडौं र भक्तपुरका निर्वाचन कार्यालयमा भने बिहीबार निर्वाचन सामग्री र मतपत्र पुर्याइने तयारी भइरहेको छ। यससँगै चुनावी तयारी चरणमा महत्वपूर्ण कदम पूरा भएको छ र मतदाताका लागि मतदान सहज बनाउन आयोगले आवश्यक व्यवस्थाहरू सुनिश्चित गरेको छ।
