वीरगञ्ज, १२ चैत – वीरगञ्जमा यस वर्षको चैती छठ पर्वको तयारी तीव्र भइरहेको छ, तर सिर्सिया नदीमा बढ्दो प्रदूषणले वातावरणीय चिन्ता थपिएको छ। विशेषगरी बाराका विभिन्न उद्योगहरूले औद्योगिक फोहोर मिसाइरहेको कारण नदीको अवस्था झन् भयावह बन्ने संकेत देखिएको छ। वीरगञ्ज महानगरपालिकाले आफ्ना क्षेत्रका उद्योगहरूलाई प्रदूषण नियन्त्रणमा राख्न अनुगमन तथा कडाइ गरिरहेको छ। तर, बाराको जीतपुरसिमरा उपमहानगरपालिका र परवानीपुर औद्योगिक क्षेत्रका उद्योगहरू – कृष्ण डाल्डा उद्योग, शिवशक्ति र नन्दन घ्यू उद्योग, कोहिनूर टेक्सटाइल्स, अमृत तेल रिफाइनरी, महालक्ष्मी तेल रिफाइनरी, नारायणी तेल मिल लगायतका उद्योगहरूले निरन्तर औद्योगिक फोहोर सिर्सिया नदीमा मिसाइरहेका छन्। वीरगञ्ज...