काठमाडौं। नेपाली क्रिकेट टोलीले विश्वकप छनोटको पहिलो खेलमै हार ब्यहोरेको छ। आईसीसी टी-२० विश्वकप छनोट अन्तर्गत समूह ‘बी’को पहिलो खेलमा नेपाल थाइल्याण्डसँग ८ विकेटले पराजित भएको हो। कीर्तिपुरस्थित टीयू क्रिकेट मैदानमा टस हारेर ब्याटिङमा उत्रिएको नेपालले निर्धारित २० ओभरमा अलआउट हुँदै १२२ रन बनाएको थियो। जवाफी ब्याटिङमा उत्रिएको थाइल्याण्डले २ विकेट गुमाएर १६.५ ओभरमै लक्ष्य भेट्टायो। सुरुवाती ब्याटिङ गरेको नेपाललाई सम्झना खड्का र बिन्दु रावलले पहिलो विकेटका लागि ५२ रनको साझेदारी गर्दै राम्रो सुरुवात दिलाएका थिए। आक्रमक ब्याटिङ गर्दै ११ बलमा २६ रन बनाएर ओपनर खड्का ५.४ ओभरमा पभेलियन फर्किइन्। दोस्रो विकेट...