काठमाडाैं, ३० चैत्र । संयुक्त राष्ट्रसंघीय बाल कोष (युनिसेफ) ले पूर्वी डेमोक्रेटिक रिपब्लिक अफ कङ्गो (डीआरसी) मा बालबालिकामाथि भइरहेको यौन हिंसाका घटनाहरू "डरलाग्दो" रूपमा वृद्धि भएको बताएको छ। सन् २०२५ को जनवरी र फेब्रुअरी महिनामा जारी द्वन्द्वको बीचमा, औसतमा हरेक ३० मिनेटमा एक बालबालिका यौन हिंसाको सिकार भएको रिपोर्ट गरिएको युनिसेफले जनाएको छ। उक्त दुई महिनामा मात्र करिब १० हजार यौन हिंसासम्बन्धी घटनाहरू दर्ता भएका छन्, जसमा ३५–४५ प्रतिशत पीडितहरू बालबालिका रहेको प्रवक्ता जेम्स एल्डरले बताए। “हामी छुट्टाछुट्टै केही घटनाको कुरा गरिरहेका छैनौं, यो त एक गम्भीर मानवअधिकार संकट हो,” एल्डरले भने,...