बीरगन्ज,१३ फागुन । आगामी फागुन २१ को निर्वाचन नजिकिँदै जाँदा मधेस प्रदेशको राजनीतिक सन्तुलन फेरिँदै गएको छ। विगतमा क्षेत्रीय मुद्दा र मधेस केन्द्रित दलहरूको प्रभाव प्रमुख रहने तराई क्षेत्रमा यसपटक ‘भावी प्रधानमन्त्री’को बहसले चुनावी समीकरणलाई नयाँ मोड दिएको छ। गगन थापा र बालेन्द्र शाह लाई सम्भावित प्रधानमन्त्रीका रूपमा अघि सारिएपछि मधेसको चुनावी वातावरण थप प्रतिस्पर्धी बनेको छ। राष्ट्रिय स्वतन्त्र पार्टी ले बालेन शाहलाई ‘मधेसको प्रतिनिधि’ र ‘नयाँ पुस्ताको अनुहार’का रूपमा प्रस्तुत गर्दै युवामाझ समर्थन बढाउने रणनीति लिएको छ। उता, नेपाली कांग्रेस ले गगन थापालाई रूपान्तरण र नीतिगत बहसको अगुवा नेताका...