काठमाडौं,०९ बैशाख । संयुक्त अरब इमिरेट्स (यूएई) का उपप्रधानमन्त्री तथा परराष्ट्रमन्त्री महामहिम शेख अब्दुल्लाह बिन जायद अल नायन आज दुई दिने औपचारिक भ्रमणका लागि नेपाल आइपुग्दै हुनुहुन्छ। परराष्ट्र मन्त्रालयले जनाएअनुसार उहाँ आज साँझ काठमाडौं आइपुग्नुहुनेछ। नेपालमा रहँदा उहाँले सम्माननीय प्रधानमन्त्री केपी शर्मा ओली, माननीय उपप्रधानमन्त्री प्रकाशमान सिंह, र माननीय श्रम, रोजगार तथा सामाजिक सुरक्षामन्त्री शरतसिंह भण्डारीलगायत नेपाल सरकारका उच्च पदस्थ अधिकारीहरूसँग भेटवार्ता गर्नुहुने कार्यक्रम रहेको छ। महामहिम शेख अब्दुल्लाह आफ्नो पाकिस्तान भ्रमण सम्पन्न गरी नेपाल आउन लाग्नुभएको हो। सन् २००६ देखि यूएईको परराष्ट्र मन्त्रालयको नेतृत्व सम्हालिरहनुभएका शेख अब्दुल्लाह यूएईको शाही परिवारका...