काठमाडौं, १३ चैत्र । ओपनएआईले ‘इमेजेज इन च्याटजीपीटी’ नामक नयाँ फिचर सार्वजनिक गरेको छ, जसले च्याटजीपीटीभित्रै जीपीटी-४ओ प्रयोग गरी कलात्मक तथा आकर्षक तस्बिर बनाउन सकिने सुविधा प्रदान गर्नेछ। कम्पनीका अनुसार यो नयाँ फिचर च्याटजीपीटी प्लस, प्रो, टिम र निःशुल्क संस्करणमा उपलब्ध हुनेछ। निःशुल्क प्रयोगकर्ताले ड्याल-ईको सीमाभित्र रहेर तस्बिर बनाउन सक्नेछन्। यसअघि, ड्याल-ई थ्री मार्फत दिनमा तीनवटा तस्बिर बनाउन सक्ने सुविधा थियो, जुन अब सुधार गरिएको छ। ओपनएआईका अनुसन्धानकर्ता गेब्रियल गोहका अनुसार यो प्रणाली अघिल्ला मोडेलहरूभन्दा धेरै सुधारिएको छ। नयाँ फिचरमा ‘बाइन्डिङ’ नामक प्रविधि थपिएको छ, जसले गर्दा एआईले रंग तथा आकार...