बीरगन्ज,०५ चैत । बाराका चारवटा निर्वाचन क्षेत्रमा कुल ११० उम्मेदवारमध्ये अहिलेसम्म केवल ३५ जनाले मात्र निर्वाचन खर्च विवरण बुझाएका छन्। जिल्ला निर्वाचन कार्यालयका प्रमुख निर्वाचन अधिकारी नवीन चौधरीका अनुसार, निर्वाचन सम्पन्न भएको १० दिन बितिसक्दा पनि बाँकी उम्मेदवारहरूले विवरण बुझाउन बाँकी छ। उम्मेदवारहरूले निर्वाचन आयोग र जिल्ला निर्वाचन कार्यालयमा खर्च विवरण बुझाउने प्रक्रिया अझै जारी रहेको उनले बताए। विवरण बुझाउने समयसीमा ३५ दिन भए पनि अहिलेसम्म बुझाउने र नबुझाउने उम्मेदवारहरूको नाम गोप्य राखिएको छ। समयसीमा सकिएपछि मात्र ती उम्मेदवारहरूको नाम सार्वजनिक गरिने जानकारी पनि अधिकारी चौधरीले दिए। गत फागुन २१ गते...