काठमाडौं, १ असोज । सरकारले जेनजी आन्दोलनमा ज्यान गुमाएका युवाप्रति श्रद्धाञ्जलि स्वरूप आज देशभर सार्वजनिक बिदा दिएको छ।
गत भदौ २३ र २४ गते भ्रष्टाचारविरुद्ध भएको प्रदर्शनका क्रममा कम्तीमा ७२ जनाको मृत्यु भएको थियो। उनीहरूको सम्झनामा भदौ ३० गते बसेको अन्तरिम मन्त्रिपरिषद् बैठकले असोज १ गतेलाई राष्ट्रिय शोक घोषणा गर्ने निर्णय गरेको हो।
सो निर्णयअनुसार आज नेपालभरका सबै सरकारी कार्यालय, शैक्षिक संस्था तथा विदेशस्थित दूतावास र नियोगहरू बन्द रहेका छन्। राष्ट्रिय झण्डा पनि आधा झुकाइएका छन्।
मृतकहरूको मंगलबार पशुपति आर्यघाटमा राष्ट्रिय सम्मानका साथ सामूहिक अन्त्येष्टि गरिएको थियो भने केही युवाको शव उनीहरूको गृह जिल्लामा लगेर अन्त्येष्टि गरिएको थियो।
