भारतको हिमाचल प्रदेशस्थित सोलान जिल्लाको अर्की भन्ने ठाउँमा ग्यास सिलिण्डर विस्फोट हुँदा ९ जना नेपालीको मृत्यु भएको छ ।
वडाध्यक्ष मेकबहादुर बुढाथोकीका अनुसार मृत्यु हुनेमा सल्यानको सिद्धकुमाख गाउँपालिका-२ टाकुरा गाउँका दुई परिवारका सदस्य छन् । मुत्यु हुनेमा स्थानीय धनबहादुर विक, कविता विक, राधा विक, रेनुका विक, राजन विक, काशिराम कामी, अनु विक, टिका विक, किरण विक छन् । मजदुरीको क्रममा उनीहरू हिमाचल प्रदेश गएका थिए ।
आइतबार राति उनीहरु सुतेको कोठामा अचानक ग्यास विस्फोट भई आगलागी भएको थियो । उनीहरूको घटनास्थलमै मृत्यु भएको हो।
घटनापछि वडा कार्यालयले आज मंगलबार शोक बिदा दिएको छ ।
