बीरगन्ज,२४ माघ । नेपाली कम्युनिष्ट पार्टी (नेकपा) प्रतिनिधिसभा निर्वाचन क्षेत्र–२, बहुदरमाइ वार्ड नं. ४ मा भेला सम्पन्न भएको छ। भेलाले भुखल यादवको अध्यक्षतामा २५ सदस्यीय वार्ड कमिटी गठन गरेको छ।
नयाँ कमिटीमा उपाध्यक्षमा तैयब अनसारी र बिरेन्द्र सहनी, सचिवमा संजय कुमार साह, सह–सचिवमा नरेश प्रसाद यादव, कोषाध्यक्षमा जगदीश राउत रहेका छन्। सदस्यमा क्रमशः उमाशंकर राउत, मोटर पडित लगायत अन्य सदस्यहरु रहेका छन्।
पार्टीको केन्द्रीय सदस्य बिपिन यादवको अध्यक्षतामा आयोजित भेलामा उम्मेदवार मनोज कुमार चौधरीले जनता अघि पुराना दल नेपाली कांग्रेस र एमालेका उम्मेदवारलाई पराजित गर्नुपर्नेमा जोड दिए । साथै उनले राज्यका धरोहर जलाउने र नयाँ नाममा अराजकता मच्चाउने समूहलाई क्षेत्रबाट हटाउनुपर्नेमा पनि बल दिएकाले जानकारी दिए ।
भेलामा पार्टीका केन्द्रीय सदस्य बृजलाल पासवान, बिरेन्द्र यादव र नेताहरु दीपेन्द्र सिह पटेल, जयशंकर यादव लगायतले मन्तव्य राखेका थिए। नयाँ कमिटीले आगामी चुनाव र स्थानीय कार्यकर्ता समन्वयमा सक्रिय भूमिका निर्वाह गर्ने बताइएको छ।
