वीरगंज, ५ फागुन – नेपाली कम्युनिष्ट पार्टी (नेकपा) पर्सा निर्वाचन क्षेत्र नं. १ का उम्मेदवार अजय चौरसियाले शिक्षित र योग्य उम्मेदवारलाई मतदान गर्न मतदाताहरूलाई आग्रह गरेका छन्।
वीरगंज महानगरपालिका–१५ अन्तर्गत लक्षुमनामा आयोजित घरदैलो कार्यक्रममा सहभागी नेता चौरसियाले आफ्ना चुनावी एजेण्डाबारे मतदातालाई जानकारी गराउँदै आफूलाई मतदान गर्न अनुरोध गरेका थिए।
निरन्तर घरदैलो तथा चुनावी कार्यक्रम गर्दै आएका उम्मेदवार चौरसियाले मंगलबार वीरगंज–१५ को भेडियाही र लक्षुमनामा घरदैलो तथा जनता दर्शन कार्यक्रम सम्पन्न गरेका हुन्।
सो क्रममा उनले साधारण जीवनशैली र दूरदर्शी सोचका साथ जनताकै बीचमा उम्मेदवारको रूपमा आएको बताएका थिए।
