काठमाडौं,१९ माघ । त्रिभुवन अन्तर्राष्ट्रिय विमानस्थलको भन्सार कार्यालयका तीन कर्मचारी घुससहित पक्राउ परेका छन्। अख्तियार दुरुपयोग अनुसन्धान आयोगको टोलीले हुलाक भन्सार शाखा, पार्सल शाखा र कार्यालय सहयोगीलाई गोश्वारा हुलाक कार्यालय डिल्लीबजारबाट आइतबार पक्राउ गरेको हो। पक्राउ पर्नेमा हुलाक भन्सार शाखा भन्सार अधिकृत इन्द्र न्यौपाने, कार्यालय सहयोगी गणेश प्रसाद पुडासैनी र हुलाक भन्सार पार्सल शाखा कर्मचारी छवि प्रसाद रिजाल छन्। पुडासैनीसँग १ लाख ४६ हजार ४२० रुपैयाँ बरामद भएको छ भने रिजालसँग २ लाख ६८ हजार २८८ रुपैयाँ बरामद भएको छ। अख्तियारको अनुसन्धानमा उनीहरुले विदेश पठाइने सामानको कुरियर मार्फत घुस लिने गरेको...