वीरगंज, ११ फागुन - नेपालमा निर्वाचनका बेला महिलालाई मुख्यतः मतदाताका रूपमा प्रयोग गरिने तर नेतृत्व तहमा पर्याप्त अवसर नदिइने आरोप राजनीतिक दलहरूमाथि लाग्दै आएको छ। कानुनले अनिवार्य गरेको कोटा बाहेक महिलालाई उम्मेदवार बनाउने उदाहरण अझै पनि सीमित छन्। तर यस पटक पर्सा जिल्लाको निर्वाचन क्षेत्र नम्बर–२ मा प्रतिनिधिसभा सदस्यका लागि दुई जना ‘बोल्ड’ महिला उम्मेदवार आमनेसामने हुँदा प्रतिस्पर्धा थप रोचक बनेको छ। पर्सा–२ मा नेकपा एमालेले महिला नेतृ रिमा यादवलाई उम्मेदवार बनाएको छ भने राष्ट्रिय प्रजातन्त्र पार्टी (राप्रपा) ले बिना जैसवाललाई प्रतिस्पर्धामा उतारेको छ। दुबै उम्मेदवार आ–आफ्नो शैली र स्पष्ट...