वीरगन्ज,२७ माघ । मधेस प्रदेशमा पाठेघरको मुखको क्यान्सरविरुद्धको ‘एचपीभी’ खोप अभियानअन्तर्गत यसवर्ष ९६ हजार ७७६ जना किशोरीलाई खोप लगाइने भएको छ। प्रदेशका आठै जिल्लामा माघ २५ गतेदेखि फागुन १५ गतेसम्म अभियान सञ्चालन गरिने मधेस स्वास्थ्य निर्देशनालयले जनाएको छ। निर्देशनालयका अनुसार प्रदेशभरका एक हजार ४९६ सामुदायिक तथा एक हजार २२८ संस्थागत गरी कुल दुई हजार ७२४ विद्यालयका कक्षा ६ मा अध्ययनरत छात्रा र विद्यालय बाहिर रहेका १० वर्ष उमेर समूहका किशोरीलाई खोप लगाइनेछ। विद्यालय जाने ६९ हजार ६६८ र विद्यालय बाहिरका २७ हजार १०८ जना किशोरी यस अभियानबाट लाभान्वित हुने लक्ष्य...