काठमाडौं,२८ फागुन । नेकपा एमालेका अध्यक्ष केपी शर्मा ओलीले २०८२ को निर्वाचन परिणामलाई अप्रत्याशित र चुनौतीपूर्ण भन्दै जनताको मत पूर्ण सम्मानका साथ स्वीकार गर्ने घोषणा गर्नुभएको छ। आफ्नै गढ मानिने झापा क्षेत्र नम्बर ५ बाट पराजित भएपछि ओलीले बिहीबार सामाजिक सञ्जालमार्फत भावुक सन्देश जारी गर्दै निर्वाचनमा पार्टी र आफूले अपेक्षा गरेजस्तो नतिजा नआएको स्वीकार गर्नुभएको हो। उहाँले लोकतन्त्रमा जनता नै अन्तिम निर्णायक हुने र उनीहरूको फैसलालाई राजनीतिक दल र नेतृत्वको परम कर्तव्यका रूपमा मान्नुपर्ने बताएका छन्। यसपटकको निर्वाचनमा एमालेले प्रत्यक्षतर्फ मात्रै ९ सिटमा जित निकाल्दा पार्टीको स्थिति कमजोर देखिएको छ। समानुपातिकतर्फ...